MSc — Loyiha boshqaruvi

Loyiha boshqaruvi – loyihalash institutlari uchun moliya-iqtisod sohasida boshqaruv kadrlarini va malakali mutaxassislarni tayyorlashdan iboratdir. Bank-moliya akademiyasining mazkur mutaxassisligi- xalqaro e’tirof etilgan ta'lim standartlarning o‘ziga xos xususiyatlarini hisobga olgan holda, ushbu sohadagi yetakchi mutaxassislar tomonidan ishlab chiqilgan nazariy hamda amaliy dasturlarni o‘z ichiga oladi.

Kimlar uchun?

Ushbu dastur quyidagi kasbiy faoliyat sohalari uchun mos keladi:

 loyiha institutlari

 loyiha ofislari

 biznes sub’ektlari

 tijorat banklari

 suveren fondlar

 milliy va xalqaro moliya institutlari

 energetika tashkilotlari

 transport-kommunikatsiya tashkilotlari

 ijtimoiy soha tashkilotlari

 xorijiy davlat moliya tashkilotlari

 xizmat ko‘rsatish sub’ektlari

 mulkchilikning barcha shakllari

 sohalari va tarmoqlari korxonalar

 davlat va xo‘jalik boshqaruv organlari

 mahalliy davlat hokimiyati organlari

 ta’lim muassasalari

 loyiha boshqaruvini tartibga soluvchi organlar

 SPV kompaniyalari

 loyihalar ishonchliligini baholovchi auditorlik kompaniyalari

 konsalting tashkilotlari

 taraqqiyot agentliklari

 loyihalarni sindikat asosida moliyalashtiruvchi institutlar

 yashil sertifikatlovchi institutlar.

Bunda, mazkur mutaxassislikka intiluvchi nomzodlarga moliya-iqtisod sohasida kasbiy o‘sishga erishish, o‘z bilimini yanada oshirishga, strategik fikrlashga ko‘maklashadi.

Dasturning maqsadi:

Zamonaviy moliya-iqtisod tizimini chuqur o‘rganish;

Jahonda ushbu tarmoqdagi yangi tendensiyalarni tahlil qila olish;

O‘quv jarayonida materiallarni amaliy jihatdan mustahkamlash uchun tinglovchilarni zarur vositalar bilan ta’minlash;

Sohada muvaffaqiyatli kar’yera uchun tinglovchilarni tayyorlash.

Dasturning afzalliklari:

Ishdan ajralmagan holda bir vaqtning o‘zida o‘quv jarayonlarini kredit-modul tizimi asosida yo‘lga qo‘yilganligi;

Sohadagi yetakchi professor-o‘qituvchilar, fan nomzodlari va kuchli amaliyotchi mutaxassislar kadrlar tomonidan beriladigan ma'ruza darslari;

Dunyoning rivojlangan mamlakatlar ta’lim muassasalaridan taklif qilingan professor-o‘qituvchilarni ta’lim jarayonlariga jalb etish;

Respublika va chet mamlakatlar mutaxassislari ishtirokidagi dolzarb mavzudagi keys masalalari bo‘yicha muhokamalar, davra suhbatlari, mahorat darslari va konferensiyalar o‘tkazilishi;

Hamkorlik dasturi asosida chet elda amaliyot olib borish  imkoniyati.

Dasturning o‘ziga xos xususiyatlari:

Dasturning o‘ziga xos xususiyati shundaki, u amaliy faoliyatga asoslangan va tinglovchilarga moliya-iqtisod tarmog‘ida yangi usullarini kashf qilishda innovatsion yechimlar va usullarni ishlab chiqishda yordam beradi.

Dasturni muvaffaqiyatli tugatgandan so‘ng, tinglovchilar moliya-iqtisod mutaxassisligi bo‘yicha davlat namunasidagi  bank-moliya sohasida boshqaruvchi kvalifikatsiyasidagi magistrlik diplomlariga ega bo‘lishadi.

Mutaxassislik kodi - 70410802

Mutaxassislik nomi - Loyiha boshqaruvi

Kvalifikatsiya - Loyiha boshqaruvchisi (iqtisodchi-tadqiqotchi)

Ta’lim shakli - Kunduzgi (12 oy), kechki (12 oy), masofaviy (12 oy)

Kontrakt summasi (so‘m) - O‘quv dasturining butun o‘qish davri uchun to‘lov narxi 35 mln. so‘m

Nomzodlarga qo‘yiladigan talablar:

- 40 yoshgacha (yosh chegarasi faqat kunduzgi taʼlim shakli uchun).

- bakalavr darajasiga ega bo‘lishi

Qabul sinovlari tartibi:

- BMBA tomonidan test sinovlari (mutaxassislik va ingliz tilidan).

O‘zbekiston Respublikasi Oliy ta'lim, fan va innovatsiyalar vazirligi tomonidan oliy ta'lim muassasalarining magistratura mutaxassisliklari uchun tasdiqlangan ingliz tilini bilish darajasini baholovchi milliy va xorijiy sertifikatlar sizni ingliz tili fani imtihonidan ozod etadi va ushbu blok bo‘yicha 100 % ball beradi, jumladan:

- IELTS bo‘yicha 5,5 ball;

- TOEFL (iBT, bo‘yicha 72 ball va iTP 543 balldan kam bo‘lmagan daraja;

- TOEIC ( bo‘yicha 1095 balldan kam bo‘lmagan daraja;

- iTEP bo‘yicha B2 (3.5-4.4  ball);

- FCE bo‘yicha 160+  ball.

Magistraturaga kirish istagini bildirgan nomzodlar komissiyaga admission.bfa.uz sayti orqali ariza topshirishlari mumkin.