Ўзбек тилида. Ташкил этилган гуруҳлар орасида тингловчиларнинг бошқа тилга бўлган эҳтиёжларидан келиб чиқиб, ўқув материаллари ва назорат саволлари рус ёки инглиз тилида ҳам бўлиши мумкин.

Ушбу мутахассислик бўйича талабгорлар рус тилини билиш даражасини тасдиқловчи сертификат ва турдош бакалавр даражасига эга бўлишлари керак. Имтиҳон икки тартибда олиб борилади: Дастлабки босқичда талабгорлар қабул учун белгиланган ҳужжатлар ҳамда эссе ва мотивацион хатни белгиланган тартибда тайёрлаб платформага жойлаши керак.

Кейинги босқичда, биринчи босқичдан ўтган номзодлар рус тилини билиш даражаси бўйича тест топширадилар (рус тилини билиш бўйича амалдаги сертификат мавжуд бўлса, ушбу босқичдан ўтган хисобланади).

Ушбу дастурни муваффақиятли тамомлаганларга Академия томонидан MBA – Master of Business Administration ҳамда Утара университети томонидан MBM — Master in Business Management мутахассисликлари бўйича магистр даражасини тасдиқловчи дипломлар берилади.

Талабгор инглиз тилини билиш даражаси бўйича Утара университети томонидан белгиланган TOEFL 60, IELTS 6.0, MUET 4.0, Cambridge English Advanced (CAE) минимал балл 169, Pearson Test of English Academic (PTE Academic) минимал балл 50 ёки бакалавр даражасини инглиз тилида ўқиганлигини тасдиқловчи ҳужжат (диплом)нинг бирига эга бўлиши керак.

Имтиҳон хужжат топширган номзодлар орасидан Малазиянинг утара университети профессор-ўқитувчилари томонидан суҳбат шаклида амалга оширилади.

Йўқ, мажбурий эмас сертификат бўлиши. Агар сизда хорижий тилни билиш даражасини тасдиқловчи сертификат бўлса ва у камида В2 даражасида бўлса Инглиз тили фанидан максимал тўпланиши мумкин бўлган балл берилади.

Мутахассислик фанлардан жами 64 балл (32+32) ва инглиз тилидан 36 балл тўпланиши керак. Бунда мутахассислик фанларидан 50 та савол тақдим қилиниб, ҳар бир тўғри жавоб учун 1.28 балл берилади. Шунингдек, инглиз тилидан 30 та савол ва ҳар бир тўғри жавоб учун 1.2 балл берилади.